Многія чытачы, асабліва старэйшага ўзросту, па гэтай цытаце ці назве твору могуць адразу здагадацца пра каго пойдзе гаворка. Канешне ж, пра Алега Кашавога. Менавіта іменем гэтага чалавека названы цэнтральны, так бы мовіць, праспект нашага Трактарагорада. Многія, стоячы ў чарзе за шаурмой, ці, чакаючы 49 тралейбус, звярталі ўвагу на прыпынак і нейкае ўраджанне пра Алега Кашавога ўжо склалі, а для тых, хто не склаў і не ездзіць грамадскім транспартам ёсць шыльда на доме пад нумарам 5 на аднаіменнай вуліцы. Але ўсё ж такі дазвольце нагадаць , хто з’яўляўся прыкладам для савецкіх камсамольцаў цягам дзесяцігоддзяў. Калі сцісла пераказваць афіцыйную версію, то Алег Кашавы – 16 гадовы камісар анціфашысткай моладзевай арганізацыі пад назвай ” Молодая гвардия” у горадзе Краснадонск Варашылаваградскай вобласці( Луганскай), які гераічна загінуў у засценках нямецкага гестапа. Удзельнікі групы выпускалі анціфашысткія лістоўкі і рабілі іншыя радыкальныя акцыі супраць фашыстаў. Адна з іх – гэта вывешванне чырвоных сцягаў на дзень рэвалюцыі 7 лістапада. Добра што мы з вамі дажылі да тых светлых гуманістычных часоў, калі за падобную дзейнасць ужо не расстрэльваюць і не кідаюць на дно заброшанай шахты – сапраўдная эра міласэрнасці адным словам). Калі з афіцыйнай версіяй усё больш-менш зразумела , то з неафіцыйнымі версіямі наконт дзейнасці ” Молодой гвардии” и персанальна Алега Кашавога пытанняў больш чым адказаў. Па -першае, ні ў якіх нямецкіх дакументах пра “молодую гвардию” не ўпамінаецца, па-другое, Кашавому было 16 гадоў і цяжка ўявіць, што ён мог кіраваць арганізацыяй, дзе былі людзі, старэйшыя за яго і з большым досведам у ваеннай справе, па-трэцяе, самі выжыўшыя ўдзельнікі”гвардыі” не маглі сказаць канкрэтна хто меў якую ролю ў арганізацыі, ну і самае цікавае, што ўсю гэтую гісторыю раскручваў Аляксандр Фадзееў (кіраўнік саюза пісьменнікаў СССР), які на гэтай гісторыі і на даносах на калег, можна сказаць, пабудаваў сабе кар’еру. Вы ведаеце, нават сёння ў наш “сумленны” час, калі некаторыя людзі будуюць кар’еру, факты адыходзяць на другі план. А ў той навальнічны час , калі краіне патрэбны героі, тут як кажуць не да … фактаў. Пасля напісанага рамана вуліцы, школы , скверы, піянерскія брыгады і камсамольскія атрады з іменем Алега Кашавога з’явіліся па ўсім Савецкім саюзе. Ну і Мінск не стаў выключэннем з гэтага працэса. У сучаснага пакалення імя Алега Кашавога не вызывае ўжо такіх эмоцый. Можа таму, што ёсць у апісаных Фадзеевым подзвігах нешта ўжо зусім далёкае , а можа і таму што ў наш час з’яўляюцца новыя героі і не дзесьці там далёка, а тут у Мінску ды па ўсёй нашай краіне. І засталося толькі адно пытанне – дзе і колькі вуліц пабудаваць, каб назваць іх імёнамі яшчэ пры жыцці гэтых неверагодных новых герояў!?
“Он был спокоен и суров, потому что он подводил черту под всей своей недолгой жизнью ” А.А. Фадеев “…
