Па-расейску — па-беларуску:

лопата — рыдлёўка
совковая лопата — шуфаль (або шуфель)
топор — сякера
уровень (ватерпас) — ґрунтваґа
рубанок — гэбаль (або гэбель)
верстак (станок) — варштат

1. Рыдлёўка і лапата — сынонімы ў літаратурнай мове. У дыялектах:
• рыдлёўка ў сярэднебеларускіх гаворках;
• лапата на ўсходзе;
• жалязьняк, зелязьняк і падобныя — на поўдні, усходзе.
Але ставяць у печ хлеб толькі на драўлянай лапаце.

2. Шуфель – шырокая, глыбокая лапата, прызначаная, галоўным чынам, для перасыпаньня сыпучых рэчываў.

Шуфель — даўні германізм (ням. Schaufel — рыдлёўка).

3. Сякера і тапор — сынонімы. У некаторых гаворках сякера (сакера) лёгкая, для абчэсваньня, тапор цяжкі, для сьсяканьня.
Рас. тесак — бел. склюд (шклюд, склют), цясьлярская сякера для бярвеньня.

4. Поруч з ґрунтваґай у гаворках ёсьць васарваґа. Гукі Ґ — выбухныя, як у слове ґанак.

5. Варштат азначае таксама ўсякі станок, месца працы: пісьменьніцкі варштат.

Шуфаль, ґрунтваґа, васарваґа, гэбаль, варштат — даўнія германізмы.
#новыясловы