Паспяховае правядзенне мерапрыемства пра беларускіх дабраахвотнікаў у літоўскай арміі

Сення ў Ваенным музеі Вітаўта Вялікага адбылося мерапрыемства ад клубу «Licviny» і «Сябрыны Коўны», прысвечанае 105-й гадавіне ўтварэння літоўскай арміі і выдатнаму ўкладу беларускіх дабраахвотнікаў у гэтую гісторыю.

Мерапрыемства прадставіла унікальныя факты і гісторыі пра ўмовы стварэння і дзейнасць беларускага вайсковага падраздзялення ў літоускай арміі. Гэта быў асаблівы момант, калі беларусы і літоўцы абʼядналіся, каб змагацца супраць агульнага ворага – бальшавікоў.

На мерапрыемстве прагучалі выступленні дэпутата сейма Літвы Валдаса Ракуціса, які распавеў пра станаўленне літоўскай арміі ў лістападзе 1918 года і удзел у гэтым беларускіх дабраахвотнікаў; Аўшры Юрэвічуце – доктара гуманітарных навук, супрацоўніка ваеннага музея, якая распавяла нам, што ў 1919 годзе беларусаў у літоўскім войску было да 14%, а 54 прадстаўнікі беларускага батальёну былі ўзнагароджаныя крыжам Выціса. Таксама ўдзел у мерапыемстве прыняў Аляксандр Царук – беларускі актывіст, ветэран батальена Каліноўскага (ПКК). А свае словы віншавання перадаў Аляксандр Клачко (Кусь) – былы дабраахвотнік і сябра клубу.

Мерапрыемства прайшло на двух мовах – беларускай і літоўскай, што сімвалізуе глыбокую сувязь і супрацоўніцтва паміж народамі. Гэта было не толькі падзея для ўшанавання мінулага, але і для нагадвання пра значэнне гістарычнай салідарнасці ў сучасным свеце.

Skaityti lietuviškai ČIA

Зваротная сувязь: @Licvinybot

Нашыя сацыяльныя сеткі:
•Інстаграм
•Фэйсбук
•Тэлеграм LT

https://www.licviny.lt