НАВАГОДНЯЯ ПАШТОЎКА ад Андрэя Хадановіча
Будзем гатаваць на Сьвяты печыва,
рыхтаваць прэзэнты і дары.
Будзем жыць бясстрашна і бясьпечна,
на сваёй зямлі гаспадары.
Кантрабанду Дзеда Мікалая
на аленях прывязуць табе –
і запаліць зорачка малая
ёлачку па схеме БЧБ.
Нашы зоркі вернуцца на сцэну,
ўдзячную ўлюбёным галасам.
Бо свабода і любоў бясцэнныя,
іншае – накалядуеш сам.
Вандраваць ня толькі ў самалёце,
не баяцца крокаў уначы,
ва ўсю мошч ня гнаць па галалёдзе,
а на Сьвяты – печыва пячы.
Лёс, як навагодняя паштоўка,
што сястры на волю піша брат:
краты – гэта толькі падрыхтоўка
да жыцьця, дзе не існуе крат.
Малюнак: Ганна Сілівончык
Будзем гатаваць на Сьвяты печыва,
рыхтаваць прэзэнты і дары.
Будзем жыць бясстрашна і бясьпечна,
на сваёй зямлі гаспадары.
Кантрабанду Дзеда Мікалая
на аленях прывязуць табе –
і запаліць зорачка малая
ёлачку па схеме БЧБ.
Нашы зоркі вернуцца на сцэну,
ўдзячную ўлюбёным галасам.
Бо свабода і любоў бясцэнныя,
іншае – накалядуеш сам.
Вандраваць ня толькі ў самалёце,
не баяцца крокаў уначы,
ва ўсю мошч ня гнаць па галалёдзе,
а на Сьвяты – печыва пячы.
Лёс, як навагодняя паштоўка,
што сястры на волю піша брат:
краты – гэта толькі падрыхтоўка
да жыцьця, дзе не існуе крат.
Малюнак: Ганна Сілівончык
