Праект SAY.BY заклікае нас паўдзельнічаць у “марафоне” агучвання невялікіх беларускіх сказаў “Ахвяруй свой голас беларускай мове”.
У будучыні гэта пойдзе на карысць развіцця тэхналогій распазнавання беларускага маўлення, адкрые многа карысных сучасных магчымасцей для нашай мовы і дакажа, што ў нашай мовы ёсць будучыня!
Працэс надзвычай просты:
1. Трэба зайсці на https://commonvoice.mozilla.org/be і націснуць на мікрафон!
2. Пачніце начытваць сказы. Можна зарэгістравацца, каб адсочваць свой прагрэс (але нават гэта не абавязкова).
3. Альбо правярайце ўжо начытаныя іншымі людзьмі сказы (гэта таксама важна).
Любыя пытанні можаце накіроўваць на [email protected], а сачыць за прагрэсам праз сайт mova.pro.
Распаўсюджвайце інфармацыю пра агучванне, у тым ліку праз суполкі ў сацыяльных сетках і сярод сваіх калегаў.
Нашай мове патрэбны ваш голас!
