Слодычы святло і славы,
Што ад трона ў свет спаслана
Богам, як агонь нязгасны,
На Апосталаў Хрыстовых.

Напаўняеш супакоем,
Дорыш веданнем усіх моваў.
Сэрцы, розум асвячаеш,
Каб Цябе мы праслаўлялі.

Жыццядайны Суцяшальнік,
Пакіруй жыццёвым лёсам.
О прыйдзі, змякчы ўсе сэрцы,
Адхілі зло і падманы.

Стаўшы дзецьмі Божай ласкі,
Згодна мы Цябе праславім
За ўсялякія даброты,
Што на свет для нас спасланы.

Ад грахоў душу ачысці,
Творца ласкі і любові.
У Хрысце нас адрадзіўшы,
Адары нябесным шчасцем.