Псіхалагічная падтрымка — гэта не раскоша, а неабходнасьць.
Беларускія добраахвотнікі — у асноўным людзі мірных прафесій. Настаўнікі, будаўнікі, ІТ-спецыялісты, медыкі, студэнты. Яны не рыхтаваліся да вайны, але былі вымушаныя прыняць складанае рашэньне і ўзяць на сябе адказнасьць.
Пасля вяртаньня дадому псіхіка не заўсёды паспявае адаптавацца да мірнага жыцьця. Чалавек можа адчуваць трывогу, замкнёнасьць, раздражняльнасьць, цяжкасьці ў зносінах з блізкімі.
І не толькі яны — жонкі, дзеці і маці таксама сутыкаюцца з напругай, стомленасьцю і адчуваньнем ізаляцыі. Псіхатэрапія дапамагае аднавіць унутраную раўнавагу, пражыць траўму бясьпечна і знайсьці сябе нанова.
Менавіта таму мы збіраем 2 000 € на 3 месяцы працы псіхолагаў.
