Г(ідра) вырашыў адпрацаваць мінамі (снарады да сапага вельмі нагадваючыя мінамётныя міны).

Ён выйшаў на сувязь з украінскім карэктыроўшчыкам і паведаміў, што мы гатовы працаваць па загадзя ўзгаднённаму сектару.

Міны білі недакладна. Як казаў мне месяц таму украінскі сапажыст – з пералётам плюс-мінус 300 метраў. Таму прыдатны яны былі толькі для беглага агню альбо каб прымусіць залегчы штурмуючых рускіх.

Я вылічыў параметры прыцэла. Г(ідра) пераправерыў мой разлік і даў дабро Ваяру адпрацаваць па цэлі.

“Выстрел!” – крыкнуў Ваяр і стрэліў.

Г(ідра) перадаў карэктыроўшчыку па рацыі: “спостерігай”.

“400 метров перелёт”, – праз кароткі час паведаміў украінскі карэктыроўшчык.

“Чаму так? Мы ж выставілі настройкі прыцэла па “Крапіве” правільна”, – запытаў я ў Г(ідры).

Г(ідра) паціснуў плячыма і прамовіў: “гэта міна”.

Далей мы замест мін стралялі снарадамі. Карэктыроўшык даваў нам каардынаты цэляў і невялікія карэктыроўкі да 50 метраў пасля стрэлаў.

Вынікі сваёй працы мы не ведалі. Па рацыі іх не паведамлялі.