Зацверджаны праект зон аховы былога Беразвецкага базыльянскага манастыра ў Глыбокім, дзе цяпер размяшчаецца Папраўчая калонія № 13.
На тэрыторыі гісторыка культурнай каштоўнасці забаронена новае будаўніцтва акрамя аднаўлення страчаных гістарычных будынкаў, а таксама павелічэнне габарытаў дысгарманічнай забудовы, да якой аднесена КПП турмы і крыло, прыбудаванае да манастырскага корпуса. Перад манастыром забаронена будаваць ці рэканструяваць будынкі вышэй за 7 м.
Але хацелася б, каб на схему былі нанасены абрысы страчаных пабудоў і тыя будынкі, якія замінаюць іх аднаўленню таксама былі прызнаныя дысгарманічнымі.
#ахова #Глыбокае #Беразвечча #кляштары
