02 траўня 2023-га, гандлёвы дом “Амстор” у Запарожжы.
У “Сільпо” прадуктаў на любы густ – быццам і няма вайны побач: ікра, рыба розных відаў, гатовая ежа, фрукты – у Баранавічах такой разнастайнасьці не памятаю, як тут.
Закупіліся, выходзім з касы. І тут незнаемая бабуля ціхім голасам нешта пытае ў Ваяра. Мо грошы? Той праходзіць міма – мабыць не пачуўшы ў чым справа.
Я спыніўся і ўважліва паглядзеў на яе прыслухоўваючыся.
– Хлопцы, скажите мне, может вы знаете: МНЕ СЪЕЗЖАТЬ ОТСЮДА? – звярталася да нас жанчына. – Каждый день ракеты взрываются. Русские сюда придут? Съезжать мне?
Мы былі апрануты ў вайсковую форму – мабыць гэта і стала прычынай звароту да нас з пытаннем акупуюць рускія Запарожжа ці не.
– Не, рускія сюды не прыйдуць, – адказаў я. – Не трэба нікуды з’язджаць. Хутка мы будзем у Крыму.
– Спасибо! Берегите себя! – пажадала нам жанчына.
