Мы сабралі сваё падарожжа па 2023 годзе і запрашаем вас разам у яго адправіцца: https://youtu.be/rvV2S88grho
Гэтае падарожжа адбылося дзякуючы вам, сумленныя беларускі і беларусы. Вы – нашыя аўтары нагодаў для гонару: вы дабіваецеся вышыняў, ствараеце крутыя рэчы, здзяйсняеце вартыя павагі ўчынкі, гучна распавядаеце пра нас усяму свету альбо ціха дапамагаеце адно аднаму годна праходзіць праз гэты час.
Мы ганарымся ўсімі намі. І гэты гонар нас упрыгожвае. Раскажыце, якія нагоды для гонару знаходзіце для сябе вы ў 2023 годзе? Якую рэч, падзею ці чалавека вы намалюеце на самым вялікім і ўрачыстым шарыку вашай навагодняй ялінкі? Дзяліцеся вашым гонарам у сацсетках пад хэштэгам #гонарупрыгожвае і натхняйцеся гонарам, якім дзеляцца іншыя.
Хай надыходзячы год застанецца ў гісторыі годам, якім мы будзем ганарыцца. Заставайцеся салідарнымі, падтрымлівайце адно аднаго і сагравайцеся цёплымі момантамі, якія толькі мы самі для сябе можам стварыць.
З Новым годам!
