Сітуацыя ў Беларусі для многіх зараз выглядае патавай. Пратэст 2020 года хоць і ўскалыхнуў нацыю, але ў адказ выклікаў жахлівыя рэпрэсіі. З-за гэтага не бачна, калі людзі, якія імкнуцца да дэмакратыі і свабоды, змогуць падняць галаву. Часам нават здаецца, што гэта назаўжды.
Аднак у гісторыі велізарная колькасць прыкладаў, калі, здавалася б, задушаны пратэст дасягаў сваіх мэт.
Менавіта аб такіх прыкладах і будзе весціся размова на сустрэчы. Правядзе лекцыю неабыякавы да гісторыі і гісторыяў акцёр тэатра і кіно, былы артыст Новага драматычнага тэатра (Мінск) Сяргей Толсцікаў.
Сустрэча пройдзе на базе Google Meet у сераду, 30 лістапада. Пачатак у 19:00 па мінскім часе. Працягласць — 1,5 гадзіны.
Удзел бясплатны, але неабходна папярэдняя рэгістрацыя ў анкеце forms.gle/3pZNrKzr9TUZJKvh6
Спасылка будзе адпраўлена прыкладна за дзве гадзіны да пачатку сустрэчы (правярайце, калі ласка, «Спам»).
