By Belkorpus Хельсінскі дыялог
Што гэта было?
11-12 студзеня ў сталіцы Фінляндыі Хельсінкі прайшло мерапрыемства арганізаванае Парламенцкай Асамблеяй Рады Еўропы.
Галоўная ідэя (на мой погляд) выслухаць меркаванні беларусаў перад дакладам Кіма Кюльеннена па Беларусі ў ПАРЕ.
Плюсы мерапрыемства.
Пра Беларусь зноў гаварылі і для гэтага спецыяльна збіралі людзей. Гэта важна.
Слухаючы чыноў,якія выступаюць з Рады Еўропы і іншых еўрапейцаў, разумееш тэндэнцыі еўрапейскай палітыкі. Яна скіравана на ўзмацненне ціску на рэжым Лукашэнкі і эўрапейцы думаюць як зрабіць іх больш прадметнымі (напрыклад прывязаць да тэмы палітычных вязьняў у РБ).
Мінусы.
Мерапрыемства атрымалася дастаткова фармальнае.
Патрапіўшы на такое мерапрыемства, у чарговы раз пераконваешся як шмат у нас экспертаў па барацьбе… Палову не ведаеш. Але змагаюцца мабыць добра, раз запрошаныя. Сарказм.
Па тэме палітычных зняволеных чамусьці ў эксперты патрапілі прадстаўнікі толькі аднаго пункту гледжання. Гэта меркаванне аб неабходнасці вызвалення палітвязняў ЛЮБЫМ шляхам (у тым ліку прызнаннем таго, што дэмакратычныя сілы ў РБ прайгралі і трэба пачынаць перамовы з рэжымам).
Гэтая пазіцыя ўваходзіць у супярэчнасць з асноўнай еўрапейскай і выглядае кепска, еўрапейцы чакаюць іншага. Але тым не менш, упарта прасоўваецца на ўсіх форумах, вядома маскіруючыся масай прыгожых і правільных слоў.
І калі меркаванне Таццяны Хоміч (якая прысутнічае ЗАЎСЁДЫ і ЎСЮДЫ, нягледзячы на тое, што Офіс афіцыйна прытрымліваецца іншай пазіцыі) вядома, то адкрытае далучэнне да гэтай пазіцыі “Мы прайгралі, давайце прасіць перамовы з рэжымам”
прадстаўніка вядомай беларускай праваабарончай арганізацыі выклікае пытанні і здзіўленне.
Беларускі палітычны цыкл добра вядомы. Выбары – пасадкі актывістаў- увядзенне санкцый – перамовы з рэжымам – вызваленне часткі палітвязняў – адмена санкцыі – і да наступных выбараў лукашэнка рукапажатны і ўсё пачынаецца па новай. Можа пара разрываць гэтае заганнае кола. І Еўропа ў сваёй большасці гэта разумее, у адрозненне ад некаторых беларусаў, якія раптам вырашылі, што менавіта яны ведаюць як трэба.
Што чарговы раз пацвердзіў і “Хельсінскі дыялог”.
Ды і беларускі рэжым пакуль не надта заўважае “прасіцеляў”. Што робіць іх ролю даволі нікчэмнай.
Вядома, большая частка мерапрыемства была прысвечана выбарам у РБ і КС, але гэта тэма для іншага паста.
Падтрымаць каманду Народнай Грамады
Народная Грамада | Народная Грамада – социал-демократическая партия (Республика Беларусь).