By Belkorpus І самі “сілавікі”, і прапаганда ўпэўнены, што пераслед родных, блізкіх і сяброў – гэта нармальна. Так, для таталітарных дыктатур – цалкам нармальна. Пры сталіне прыдумалі тэрмін “дзеці ворага народа”, а нацысты знішчалі не тое што сем’і – цэлыя вёскі за сувязь з партызанамі. Губазікі, дарэчы, ганарацца, калі іх параўноўваюць з карнікамі.
Нацысцкіх карнікаў чакаў Нюрнберг. Трыбунал над лукашэнкаўскімі пачварамі таксама ўвойдзе ў гісторыю. Будзе і гучная назва, і замежныя эксперты, і сведчанні ахвяр, і енк карпянковых з азаронкамі, якія “толькі выконвалі загады”, і хлуслівы галоўны пацук – нарэшце без бронекамізэлькі, аховы і шпіца.
А яшчэ будзе трансляцыя на ўвесь свет, і сем’і, што зараз раз’яднаныя турмой і эміграцыяй, будуць глядзець яе разам.
Свабоду палітвязням!
Карнікаў – за краты!
Жыве Беларусь!