Аб тым, што Айцец сапраўды з’яўляецца крыніцай, напісана ў прарока Ераміі: «Яны пакінулі Мяне – крыніцу жывой вады, каб вычасаць сабе калодзежы, калодзежы дзюравыя, што не могуць утрымаць вады» (Ер 2, 13). Пра Сына ж чытаем у іншым месцы: «Ты пакінуў крыніцу мудрасці» (Бар 3, 12). Пра Духа Святога: «Хто б піў ваду, якую Я дам яму, не зазнае смагі навекі; а вада, якую дам яму, стане ў ім крыніцай вады, якая цячэ ў жыццё вечнае» (Ян 4, 14). Гэтыя словы былі тут жа растлумачаныя Евангелістам, які кажа, што Збаўца так казаў пра Духа Святога. З вышэй прадстаўленых выказванняў выразна вынікае, што таямніца Святой Тройцы стварае патройную крыніцу Царквы.

Вось такіх крыніц прагне душа веруючага і ахрышчанага чалавека, такіх крыніц прагне і кажа: «Душа мая прагне Бога, крыніцу жывой вады» (пар. Пс 42, 3). Гэта не была мімалётная прага ўбачыць Бога, але гарачае жаданне і шчыры пошук.

Св. Геранім Стрыдонскі