ВЯЛІКІ ЧАЦВЕР 2024 – вернікі традыцыйна віншуюць святароў ды моляцца за іх. =З Архіва сайта Svjazep (ад 13.04.2017) ўзяты тэкст, які і сёння вельмі актуалны:
“Пачэсныя і Дарагія Айцы – грэка-каталіцкія святары!
Вялікі Чацвер – гэта святы дзень, калі Царква ўспамінае Тайную Вячэру нашага Госпада Ісуса Хрыста.
Вернікі ў гэты дзень моляцца за вас – святароў, дзякуючы Госпаду за вашае служэнне для народу Божага, асабліва для народу Божага ў Беларусі.
Вернікі віншуюць у гэтыя дні вас асабіста, але мы – прадстаўнікі грэка-каталіцкай моладзі – хочам супольна павітаць вас, грэка-каталіцкіх святароў.
Мы дзякуем вам за вашае руплівае святарскае служэнне, за вашую пастырскую ўважлівасць і блізкасць да справаў беларускай моладзі, за руплівае звяртанне нашае увагі на Уваскрослага Ісуса Хрыста і на ягоную перамогу над злом.
Дзякуй вам, што нястомна навучаеце нас любіць Бога, Царкву і Бацькаўшчыну”.
