Хто такі Госпад Бог?
«Я — Госпад Бог твой», — такімі словамі звяртаецца да нас Госпад Бог, даючы нам запаведзі. У той жа час Ён запрашае нас адкрыць вочы, паглядзець навокал і спазнаць рэчаіснасць такой, якая яна ёсць, такой, якой Ён яе стварыў.
Наш Бог – гэта асоба, а не ідэя ці абстракцыя. Бог жывы, Ён побач, Ён – «Той, хто ёсць». Сын Божы – Ісус Хрыстос – прыйшоў у свет і збавіў нас. Пазнай Яго, вызнай Яго сваім Госпадам, адкінь усё, што аддзяляе цябе ад Яго, і заставайся ў Яго любові, бо Ён Госпад, Бог твой, Бог адзіны.
