Нядзеля 30-я па Святой Тройцы, перад Богаз’яўленнемМк. 1, 1-8Сёння мы чуем першы радок Евангелля пав…

Сёння мы чуем першы радок Евангелля паводле Марка: «Пачатак Евангелля Ісуса Хрыста, Сына Божага». Гэта можа гучаць для нас як штосьці звычайнае ці проста пабожнае, але ў першым стагоддзі гэта былі словы-выклік.

Грэчаскі тэрмін Марка euangelion, які мы перакладаем як «добрая вестка», быў словам, якое звычайна выкарыстоўвалася для апісання імператарскай перамогі. Калі імператар атрымліваў перамогу ў бітве або душыў паўстанне, ён пасылаў наперад вестуноў (евангелізатараў) з добрай весткай.

Бачыце, наколькі падрыўнымі былі словы Марка? Ён пісаў з Рыма, з самага «бруха звера», з сэрца імперыі, чые правадыры ўсяго за некалькі гадоў да гэтага забілі яго сяброў Пятра і Паўла. І ён абвяшчаў, што сапраўдная перамога не мае нічога агульнага з цэзарам, але звязана з тым, каго цэзар пакараў смерцю і каго Бог уваскрасіў.

І каб яшчэ больш завастрыць гэта, ён называе гэтага ўваскрослага Госпада «Сынам Божым». Яшчэ з часоў Аўгуста тытул «Сын Божы» быў тытулам, на які прэтэндаваў рымскі імператар.

Але Марк кажа: гэта не так. Сапраўдны Сын Божы — гэта Той, Хто магутнейшы за цэзара. Першы радок Евангелля паводле Марка — гэта прамы выклік Рыму: Ісус Хрыстос, а не цэзар ці хто-небудзь з яго нашчадкаў, ёсць Госпадам.

Bishop Robert Barron