By Belkorpus Калі сьвятая Тэкля была ўжо 90-гадовай старыцай, на яе пачалі нападаць паганскія вешчуны за тое, што яна бескаштоўна прымала і ацаляла хворых. Яны не маглі зразумець, што сьвятая лякуе хваробы сілай любові Хрыстовай, і меркавалі, што ёй апякуецца багіня-нявіньніца Артэміда. З зайздрасьці да сьвятой Тэклі яны падаслалі да яе наймітаў, каб апаганіць сьвятую. Калі яе перасьледавальнікі былі ўжо зусім блізка, сьвятая Тэкля ўмольна закрычала пра дапамогу да Хрыста Збаўцы, і расступілася гара, якая схавала сьвятую нявесту Хрыстову. Так аддала душу Богу сьвятая Тэкля.
Сьвятая Царква ўслаўляе першамучаніцу Тэклю як “жонак славу, настаўніцу мучанікаў, якая адчыніла ўсім пакуты шлях”. З даўніх часоў ёй прысьвячалася шмат храмаў, адзін з якіх быў пабудаваны ў Канстанцінопалі сьвятым роўнаапостальным Канстанцінам. Імя сьвятой першамучаніцы роўнаапостальнай Тэклі ўзгадваецца пры пастрыжэньні жанчынаў у манаства.