Улады прапаноўваюць чарговыя змены ў заканадаўстве: хочуць дазволіць бацькам на ўласнае жаданне, без суду, «здаваць» дзяцей у закрытыя спецшколы. Гэтыя ўстановы маюць шмат агульнага з калоніямі для дарослых. Каб пазбавіцца складаных дзяцей, цяпер будзе дастаткова напісаць заяву з пацвярджэннем ужывання імі алкаголю або наркотыкаў.
Людзі працягваюць з’язджаць з Беларусі. І гэта відавочна не толькі ў страшэнных лічбах, але і ў адсутнасці дастатковай для больш-менш нармальнага функцыянавання грамадства колькасці працаўнікоў на ўсіх узроўнях. Масавая міграцыя нараджае новы канфлікт інтарэсаў унутры краіны: паміж дзяржавай і прыватным сектарам.
