ААН: Беларусь абавязаная кампенсаваць журналістам штрафы ды іншыя судовыя выдаткі
У Камітэт ААН па правах чалавека звярнуліся чатыры беларускія журналісты: Таццяна Смоткіна, Зміцер Лупач, Тамара Шчапёткіна, Ларыса Шчыракова.
Сутнасць скаргі журналістаў палягала ў тым, што Беларусь парушыла іхныя правы на свабоду выказвання думкі, прыцягнула да адказнасці і пакарала адміністратыўнымі штрафамі быццам за распаўсюджванне прадукцыі СМІ без адпаведнай акрэдытацыі.
Па выніках разглядаў іхных заяваў КПЧ прызнаў Беларусь вінаватай у парушэнні правоў журналістаў на законнае права збіраць і распаўсюджваць інфармацыю.
