Эпіцэнтрам ціску тэрарыстаў Лукашэнкі з’яўляецца мяжа Польшчы. Памежныя заградатрады дыктатара вымушаюць эканамічных мігрантаў на штурм са спецсродкамі, якія дагэтуль выкарыстоўваліся супраць беларусаў. Парушаючы маральныя і юрыдычныя нормы, канцлер Нямеччыны Меркель тэлефануе Лукашэнку. Еўразвяз вылучае 700.000€ для падтрымкі мігрантаў – інструмента ціску на Польшчу, Украіну, Балтыю. Мабыць, Ангела ўжо дамовілася аб сваім працаўладкаванні ў Газпроме, па прыкладзе Шродэра.
Ціск ва ўгоду выканання пуцінскіх жадалак узмацняецца: Украіна была асуджаная за адмову прыёму мігрантаў.
Мы, беларусы Украіны, працягваем заяўляць аб немагчымасці вядзення перамоваў з тэрарыстам Лукашэнка. У гэтую нядзелю, у 14:00, мы выйдзем на Майдан Незалежнасці, каб прайсці да амбасады Нямеччыны і выказаць падтрымку памежнікам дзяржаў, якія стаяць на пярэднім краі супрацьстаяння міграцыйнаму тэрору!
