Беларусы атрымаюць прэмію Human Rights Award 2021
Прэмію за абарону правоў чалавека стварыў фонд нямецкіх грамадскіх дзеячоў Герхарта і Рэнаты Баум, вядомых сваёй дзейнасцю па абароне грамадзянскіх правоў у 2016 годзе. Лаўрэаты прэміі будуць аб’яўлены 6 лютага падчас Канферэнцыі салідарнасці з народам Беларусі (анлайн-трансляцыю можна будзе ўбачыць на Youtube-канале ініцыятывы «Беларусы Замежжа», пачатак у 18:00 па мінскім часе).
Узнагароджанне адбудзецца 7 лютага. Разам з прэміяй яе ўладальнік атрымае 10 тысяч еўра.
«Не здавайцеся! — піша фонд у сваім звароце да беларусаў. — Гэта наша паведамленне адрасавана ўсім адважным жанчынам і мужчынам у беларускім грамадскім руху».
