Нью-Ёрк. Люты.аповед 1 Нью-ЁркПершы раз у Нью-Ёрк я трапіў 17 лютага 2023.Пачуўшы словы “мы пераяздж…

Нью-Ёрк. Люты.

аповед 1

Нью-Ёрк

Першы раз у Нью-Ёрк я трапіў 17 лютага 2023.

Пачуўшы словы “мы пераязджаем у Нью-Ёрк” я нават не ўспрыняў гэтую назву, як назву населенага пункта. Яна не пасавала да ўкраінскай тэкстуры.

У маім уяўленні гэта была кодавая назва пазіцыі ў зоне якой мы будзем працаваць. І толькі праглядзеўшы мапу Украіны ў Крапіве, я зразумеў, што гэта сапраўдны населены пункт пад акупаванай расейцамі Горлаўкай.

З усходу і з поўдня ўшчыльную яго атачалі сілы акупантаў.

Лінія фронта усталявалася па ўсходніх ускайках Нью-Ёрка яшчэ з часоў ОРДЛО, а выступ з поўдня ўтварыўся з вясны 2022-га.

– у Бахмуце расейцы набліжаліся да пазіцыя “Жыгуль” і хутка працаваць сапагом з яе стане безсэнсоўна;
– абмежаваная (але лепшая сітуацыя чым ва ўкраінцаў) колькасьць снарадаў ОГ-9 да сапага;
– наяўнасьць цэлей для сапага пад Нью-Ёркам;
– неабходнасьць дапамагчы знаёмым нашага камандзіра Курсанта ССО-шнікам (ССО – сілы спецыяльных аперацый) з Нью-Ёрка, якія абяцалі падкінуць снарадаў на выкананне задач пры іх;

Якая з гэтых прычын стала вызначальнай у Курсанта для перакідвання нашага разліку ва ўкраінскі Нью-Ёрк – лепш запытаць ў яго.

Але факт адбыўся. 21 лютага мы (я, Ваяр і Бача) канчаткова пераехалі працаваць у Нью-Ёрк.

Нарэшце, затхлы, насычаны вірусамі “Амікрона” склеп Часовага Яра мы пакінулі назаўсёды. Там пакінуў я і частку сваіх нырак, як высветліцца потым.

Наш склеп у будынку Часова-ярскага прафесійна-тэхнічнага вучылішча па вуліцы Зялёнай, 6 будзе захоплены расейскімі акупантамі напачатку чэрвеня 2024 года.

(На фота: межы фронта вакол Нью-Ёрка па стану на 17 лютага 2023)