14 пісем напісалі сёння ў віленскай “Карчме 1863” неабыякавыя беларусы беларускім добраахвотнікам па…

14 пісем напісалі сёння ў віленскай “Карчме 1863” неабыякавыя беларусы беларускім добраахвотнікам пасля невялікай (на 40 хвілін) прызентацыі па групе “Палескія дэльфіны”.

Кожны прысутны мог пісаць таксама ў любы іншы беларускі добраахвотніцкі падроздзел ва Украіне.

7 пісем пойдзе ваярам “Палескіх дэльфінаў” без указання пазыўнога (хлопцы, абірайце самі сваё пісьмо).

Тры пісьма пойдзе персанальна Воскару і два – Бачы. (Вось з каго я не злезу ў першую чаргу наконт зваротных адказаў )

1 пісьмо пойдзе ў БДК і 1 – у полк Каліноўскага.

Дзякуй за падтрымку мерапрыемства віленскую суполку “Вольныя беларусы Вільні“, беларуска-украінскі цэнтр супрацы “Веснік“, “Карчму 1863“, партыю “Народная грамада“.

Лагістыка па дастаўцы пісем у абодва бакі стала магчымай, дзякуючы Беларускай прасторы “Робім разам” Сяргея Бульбы і Кіеўскаму хабу “Сустрэча” Алёны Жаркевіч.

Зараз галоўная справа за ваярамі – даць адказ беларусам, якія вырашылі іх патрымаць.