Сёння дзень нараджэння святога Яна Прадвесніка і Хрысціцеля Гасподняга
Запрашаем на Літургію ў дзень гэтага светлага свята ў нашу царкву па адрасе Bokšto gatvė 4 у Вільні у 10:30. Прыходзьце!
Паводле царкоўнага падання, святы Ян Прадвеснік нарадзіўся за шэсць месяцаў да Ісуса Хрыста. Яго бацька, святар Захарыя, і маці Елізавета былі ўжо ў сталым узросце і доўгі час не мелі дзяцей. Калі Захарыю ў храме з’явіўся анёл і абвясціў пра нараджэнне сына, ён усумніўся і да самага нараджэння дзіцяці быў пазбаўлены мовы.
Яшчэ ў маладыя гады Ян пакінуў звычайнае жыццё і пасяліўся ў пустыні. Там ён жыў у строгасці, рыхтуючыся да свайго служэння. На берагах Іардана ён заклікаў людзей да пакаяння і духоўнага абнаўлення, хрысцячы тых, хто прыходзіў да яго.
Да Яна прыйшоў і сам Ісус Хрыстос, якога ён ахрысціў у водах Іардана. У гэты момант, паводле Евангелля, адкрылася таямніца Святой Тройцы: Дух Святы сышоў у выглядзе голуба, а голас Айца засведчыў пра Сына.
Ян Прадвеснік не баяўся выкрываць зло і несправядлівасць. За свае пропаведзі ён быў зняволены царом Ірадам і пазней прыняў пакутніцкую смерць. Царква шануе яго як найвялікшага з прарокаў і Прадцечу Хрыста.
«Праўду кажу вам: з народжаных жанчынамі не паўставаў большы за Яна Хрысціцеля».
(Мц. 11:11)
Вы можаце пакінуць ахвяраванне на царкву, скарыстаўшыся інфармацыяй ніжэй:
IBAN: LT667300010191071990 Атрымальнік: APREIŠKIMO ŠVČ. DIEVO GIMDYTOJAI KRIKŠČIONIŲ ORTODOKSŲ PARAPIJA „Swedbank”, AB SWIFT: HABALT22 Пазначэнне плацяжу: Auka
А таксама праз іншыя платформы:
Patreon (для бяспечных данатаў з Беларусі), PayPal (толькі для ахвяраванняў з-за мяжы).
