У мінулую суботу браты і сёстры нашай парафіі правялі працы па добраўпарадкаванні магілы Яна Цеханоўскага — дырэктара Навагрудскай беларускай гімназіі, які пахаваны на Свята-Ефрасіннеўскіх могілках у Вільні
Для нашай парафіі гэтае пахаванне стала асаблівым клопатам. Надмагільны крыж быў моцна пакрыты іржой, а шыльдачка з імем замацаваная звычайным дротам.
Дзякуючы нашым парафіянам удалося добраўпарадкаваць тэрыторыю пахавання, выраўняць крыжы Яна Цеханоўскага і ягонай сваячкі Антаніны, пасадзіць кветкі і надзейна замацаваць шыльдачкі на новых круглых металічных мацаваннях. Каб выраўняць крыжы, давялося падкопваць іх асновы і змагацца з каранямі дрэў, якія за доўгія гады моцна разрасліся вакол пахавання.
Ян Цеханоўскі нарадзіўся 30 сакавіка 1888 года ў вёсцы Якімаўка (цяпер Рэчыцкі раён Гомельшчыны). Скончыў Мінскую настаўніцкую семінарыю, пасля два гады вучыўся ў Політэхнічным інстытуце ў Санкт-Пецярбургу. У 1909 годзе ў Мінску ажаніўся з Ксеніяй Баландовіч.
У 1921 годзе за беларускую нацыянальную дзейнасць быў арыштаваны польскімі ўладамі. Пасля вызвалення пераехаў у Наваградак, дзе з 1 верасня 1921 года стаў дырэктарам Навагрудскай беларускай гімназіі.
Менавіта пад яго кіраўніцтвам гімназія стала адным з найважнейшых асяродкаў беларускай адукацыі ў Заходняй Беларусі. Праз пераслед польскіх уладаў Ян Цеханоўскі быў вымушаны эміграваць у Францыю, аднак у 1927 годзе вярнуўся на Бацькаўшчыну і працягнуў працу дзеля беларускай школы.
У кастрычніку 1938 года Ян Цеханоўскі памёр ад інфаркту. Быў пахаваны ў Вільні, побач паўстала і пахаванне жонкі Ксеніі Баландовіч — былой настаўніцай Навагрудскай беларускай гімназіі. На Ліпкаўскіх могілках таксама пахаваныя сябра Яна Цеханоўскага, настаўнік матэматыкі Навагрудскай беларускай гімназіі Аляксандр Данілевіч, а таксама яе выпускнік — літаратар Аляксей Анішчык, вядомы пад літаратурным псеўданімам Андрэй Чэмер.
Пахаванне яшчэ патрабуе далейшага добраўпарадкавання, але важны пачатак ужо зроблены.
Таксама вы можаце падтрымаць наш валанцёрскі клопат пра магілы выбітных беларускіх дзеячоў, пахаваных на Свята-Ефрасіннеўскіх могілках у Вільні.
А таксама праз іншыя платформы:
Patreon (для бяспечных данатаў з Беларусі),
PayPal (толькі для ахвяраванняў з-за мяжы).
Будзем вельмі ўдзячныя за дапамогу.
Жыве Беларусь і слава Ісусу Хрысту!
Для нашай парафіі гэтае пахаванне стала асаблівым клопатам. Надмагільны крыж быў моцна пакрыты іржой, а шыльдачка з імем замацаваная звычайным дротам.
Дзякуючы нашым парафіянам удалося добраўпарадкаваць тэрыторыю пахавання, выраўняць крыжы Яна Цеханоўскага і ягонай сваячкі Антаніны, пасадзіць кветкі і надзейна замацаваць шыльдачкі на новых круглых металічных мацаваннях. Каб выраўняць крыжы, давялося падкопваць іх асновы і змагацца з каранямі дрэў, якія за доўгія гады моцна разрасліся вакол пахавання.
Ян Цеханоўскі нарадзіўся 30 сакавіка 1888 года ў вёсцы Якімаўка (цяпер Рэчыцкі раён Гомельшчыны). Скончыў Мінскую настаўніцкую семінарыю, пасля два гады вучыўся ў Політэхнічным інстытуце ў Санкт-Пецярбургу. У 1909 годзе ў Мінску ажаніўся з Ксеніяй Баландовіч.
У 1914 годзе завяршыў адукацыю і працаваў выкладчыкам спецыяльных прадметаў. З 1 жніўня 1918 да 1921 года быў дырэктарам рэальнай школы ў Ракаве.
У 1921 годзе за беларускую нацыянальную дзейнасць быў арыштаваны польскімі ўладамі. Пасля вызвалення пераехаў у Наваградак, дзе з 1 верасня 1921 года стаў дырэктарам Навагрудскай беларускай гімназіі.
Менавіта пад яго кіраўніцтвам гімназія стала адным з найважнейшых асяродкаў беларускай адукацыі ў Заходняй Беларусі. Праз пераслед польскіх уладаў Ян Цеханоўскі быў вымушаны эміграваць у Францыю, аднак у 1927 годзе вярнуўся на Бацькаўшчыну і працягнуў працу дзеля беларускай школы.
Пасля чатырнаццаці гадоў напружанай працы ў створанай ім навучальнай установе польскія ўлады перавялі яго ў Ашмяны. Неўзабаве на Цеханоўскага напала банда хуліганаў, якая жорстка яго збіла і знявечыла.
У кастрычніку 1938 года Ян Цеханоўскі памёр ад інфаркту. Быў пахаваны ў Вільні, побач паўстала і пахаванне жонкі Ксеніі Баландовіч — былой настаўніцай Навагрудскай беларускай гімназіі. На Ліпкаўскіх могілках таксама пахаваныя сябра Яна Цеханоўскага, настаўнік матэматыкі Навагрудскай беларускай гімназіі Аляксандр Данілевіч, а таксама яе выпускнік — літаратар Аляксей Анішчык, вядомы пад літаратурным псеўданімам Андрэй Чэмер.
Мы вельмі радыя, што разам з парафіянамі адшукалі і даглядаем магілу Яна Цеханоўскага. Мы шчыра ўдзячныя яму за прынцыповую нацыянальную пазіцыю ва ўмовах ціску і пераследу. Асабліва сімвалічна, што сёння Траецкая бацькоўская субота і мы нагадваем пра гэтага выбітнага беларуса.
Пахаванне яшчэ патрабуе далейшага добраўпарадкавання, але важны пачатак ужо зроблены.
Таксама вы можаце падтрымаць наш валанцёрскі клопат пра магілы выбітных беларускіх дзеячоў, пахаваных на Свята-Ефрасіннеўскіх могілках у Вільні.
Пералічыць ахвяраванне на банкаўскі рахунак:
IBAN:
LT667300010191071990
Атрымальнік:
APREIŠKIMO ŠVČ. DIEVO GIMDYTOJAI KRIKŠČIONIŲ ORTODOKSŲ PARAPIJA
„Swedbank”, AB
SWIFT: HABALT22
Пазначэнне плацяжу:
Auka
А таксама праз іншыя платформы:
Patreon (для бяспечных данатаў з Беларусі),
PayPal (толькі для ахвяраванняў з-за мяжы).
Будзем вельмі ўдзячныя за дапамогу.
Жыве Беларусь і слава Ісусу Хрысту!