Мікалай Статкевіч з-за кратаў: «Я шмат праз што прайшоў, да ўсяго гатовы і нішто мяне не палохае»

Жонка палітвязня Мікалая Статкевіча падзялілася яго лістом датаваным 5 чэрвеня.

«Не хвалюйся за мяне, калі ласка. Я шмат праз што прайшоў, да ўсяго гатовы і нішто мяне не палохае. Ды й смешна палохацца на 66-м годзе такога насычанага жыцця. Тым болей недарэчна адмовіцца ад таго, што было зроблена за другую палову гэтага жыцця. Калі ўжо столькі людзей падзяляюць такі шлях. Тым болей недарэчным для мяне было б спаскудзіць сваімі паводзінамі зробленае, каб уратаваць ад пакутаў яшчэ не пражытую (невядома якую) частку жыцця. Гэтага ніхто не дачакаецца».

Нагадаем, нядаўна Вярхоўны суд пастанавіў пакінуць прысуды фігурантам «справы Ціханоўскага» без зменаў. Статкевічу суд прызначыў 14 гадоў калоніі ва ўмовах асаблівага рэжыму.

Што чакае Мікалая Статкевіча ў калоніі асаблівага рэжыму?

Падтрымайце палітвязня лістамі салідарнасці: СІЗА-3. 246003, г. Гомель, вул. Кніжная, 1А, Мікалаю Віктаравічу Статкевічу