6 ліпеня 1253 года Міндоўг быў каранаваны як адзіны кароль Літвы. Гэта падзея стала сімвалам станаўлення літоўскай дзяржаўнасці і прызнання Літвы еўрапейскай дзяржавай. Праз стагоддзі гэты дзень застаецца напамінам пра значэнне незалежнасці, адзінства і адказнасці за будучыню сваёй краіны.
Партыя «Народная Грамада» віншуе літоўскі народ са святам. Жадаем Літве міру, росквіту, дабрабыту і захавання тых дэмакратычных каштоўнасцяў, якія сёння робяць краіну моцнай і свабоднай.
Для многіх беларусаў Літва стала другім домам, месцам бяспекі і салідарнасці. Мы ўдзячныя літоўскаму грамадству за падтрымку беларускай дэмакратыі і людзей, якія былі вымушаныя пакінуць свой дом праз рэпрэсіі.
Няхай сяброўства паміж беларускім і літоўскім народамі толькі мацнее, а свабода, за якую змагаліся нашы продкі, застаецца галоўнай каштоўнасцю для будучых пакаленняў.