– Савецкі Саюз разваліўся, але нешта ад яго духу захавалася дагэтуль. Колькі Савецкага Саюза сёння ў…
– Думаю шмат. Расея па-ранейшаму застаецца ў асноўным савецкай дзяржавай. Спасылка на праваслаўе тут мала што мяняе. Савецкая ідэалогія не была пакінута, але яе асвоілі. Афіцыйная тэза такая, што СССР быў проста Расеяй і ня больш за тое. Сённяшняя Расея працягвае агрэсіўную палітыку савецкай імпэрыі, жадаючы вярнуць сабе страчаную ролю звышдзяржавы. Яна не прапаведуе тэорыю класавай барацьбы, але барацьбу за геапалітычную прастору. Так, яна ахвотна спасылаецца на ідэалогію дарэвалюцыйнай Расіі і чэрпае з яе гісторыі антызаходнія лозунгі. Яна абвяшчае панаванне на велізарнай тэрыторыі ад Цэнтральнай Еўропы да Уладзівастока. Савецкая дзяржава была настроена супраць Захаду.
Яна [Расія] любіць называць савецкую спадчыну часам велічы. Сам дыктатар і людзі, якія кіруюць Расеяй, паходзяць з дзяржаўных структураў СССР — з савецкіх службаў, арміі, дыпляматыі. Ці яны самі ў іх мелі месца, ці яны дзеці тых, хто працаваў у гэтых органах. І калі мы думаем пра геапалітыку, мяркую, што савецкая ідэя альянсу або асаблівай сувязі з Германіяй з’яўляецца адной з найважнейшых стратэгічных канцэпцый у сённяшняй Расеі. Вядома, гэтая сувязь сур’ёзна аслабла пасля нападу Расіі на Украіну. Аднак канцэпцыя альянсу Расіі і Германіі супраць Еўропы па ўзоры Рапальскай дамовы надзвычай значная. Расія марыць яго аднавіць. Ці атрымаецца гэта, пакажа будучыня. Нарэшце, варта адзначыць, што агульнае паміж сённяшняй Расійскай Федэрацыяй (як вынікае з афіцыйнай назвы дзяржавы) і СССР заключаецца ў тым, што ў абодвух выпадках мы маем справу з «прытворным федэралізмам». Лёс Чачні, якая хацела выйсці са складу федэратыўнай (па назве) дзяржавы, пацвярджае гэтае становішча.
Гісторык, даследчык саветалогіі і таталітарызмаў, прафесар Марэк Корнат.