Выйшаў апошні выпуск “Жыццё-маліна”. Суразмоўцам
Мікіты Мелказёрава стаў экс-дырэктар беларускай службы Свабоды
Аляксандр Лукашук.
Абнаўляцца канал больш не будзе.
“Мікіта, ты сам сабе стварыў помнік. Хай ён застанецца ў тым выглядзе, у якім ты нам яго пакінуў. Працягваць працу канала – гэта будзе падманам і сябе, і гледачоў”,
— напісала каманда праекту.
Гэтае інтэрв’ю запісвалі ў апошні дзень жыцця Мікіты Мелказёрава. Наступнай ноччу ён раптоўна памёр.