1000 дзён няма зьвестак пра Максіма Знака. Хто яшчэ з палітвязьняў застаецца ў рэжыме поўнай ізаляцы…
У рэжым інкамунікада зноў трапіў палітвязень Мікола Статкевіч, якога раней трымалі ў ім больш за 900 дзён. Пасьля 11 верасьня, калі Статкевіча вывезьлі зь беларуска-літоўскай мяжы ў невядомым кірунку, ад яго няма ніякіх зьвестак. Хто з палітзьняволеных застаецца ў рэжыме поўнай ізаляцыі?
Былы адвакат Максім Знак быў асуджаны на 10 гадоў зьняволеньня. Ніякіх вестак ад яго няма зь лютага 2023 году — тады ў «чорны сьпіс» трапілі Віктар Бабарыка, Марыя Калесьнікава, Сяргей Ціханоўскі, Ігар Лосік, Мікола Статкевіч. Ціханоўскага і Лосіка вызвалілі, вывезшы за мяжу. Калесьнікаву і Бабарыку прынамсі паказалі ў тэлевізіі: Марыя Калесьнікава сустрэлася з бацькам 12 лістапада 2024 году, а ў студзені 2025 году зьявілася відэа зь Віктарам Бабарыкам.
Такім чынам, ад Максіма Знака няма зьвестак ужо 1000 дзён.