Канцэрт Ігара «Вожыка» Палынскага ў Вільні аб’яднаў беларусаў і сяброў БеларусіУчора на пляцоўцы Бел…
12.10.2025Dapamoga LT | Замак у Вільнюсе
Канцэрт Ігара «Вожыка» Палынскага ў Вільні аб’яднаў беларусаў і сяброў Беларусі
Учора на пляцоўцы Беларускага Замку ў Вільні адбыўся канцэрт вядомага беларускага музыкі, лідара гурта Sumarok — Ігара «Вожыка» Палынскага, пры падтрымцы беларускага музыкі Юрыя Несцярэнкі і літоўскага перкусіяніста Бернарда.
Падчас больш чым двухгадзіннага выступу прагучала пара дзясяткаў аўтарскіх кампазіцый. Ігар Палынскі не толькі выконваў свае песні, але і дзяліўся гісторыямі са свайго жыцця — як у Беларусі, так і ў эміграцыі ў Беластоку. Тэмпераментнае і душэўнае выступленне мела элементы стэндапу, што зрабіла вечар асабліва цёплым і хатнім.
На канцэрце прысутнічала больш за дваццаць гледачоў — беларусы, украінцы, літоўцы і рускія. Паводле ўдзельнікаў, «музыка мацнейшая за зброю — яна аб’ядноўвае людзей лепш за палітыкаў».
Да Палынскага пазней далучыліся Юры Несцярэнка і літоўскі перкусіяніст, а за якасны гук і настрой удзячнасць атрымаў тэхнічны спецыяліст, музыка Сяргей Kosmas. Завяршылася імпрэза супольным выкананнем легендарнай песні пратэсту «Муры», якая стала сімвалам свабоды і супраціву.
Пасля асноўнай праграмы адбыўся «вольны мікрафон», падчас якога выступіла ўдзельніца з Украіны, выканаўшы прыгожую песню. У зале гучалі словы салідарнасці: «Слава Украіне! Жыве Беларусь!»
Адзін з арганізатараў і ўдзельнікаў аб’яднання былых палітвязняў у Літве — Ілля Міронаў (RE:BELarus) — адзначыў, што такія сустрэчы дапамагаюць умацоўваць беларускую супольнасць і даюць сілы працягваць барацьбу за свабоду.
«Гэта быў вечар шчырасці, музыкі і надзеі. Да новых сустрэч!» — падсумавалі арганізатары.
Учора на пляцоўцы Беларускага Замку ў Вільні адбыўся канцэрт вядомага беларускага музыкі, лідара гурта Sumarok — Ігара «Вожыка» Палынскага, пры падтрымцы беларускага музыкі Юрыя Несцярэнкі і літоўскага перкусіяніста Бернарда.
Падчас больш чым двухгадзіннага выступу прагучала пара дзясяткаў аўтарскіх кампазіцый. Ігар Палынскі не толькі выконваў свае песні, але і дзяліўся гісторыямі са свайго жыцця — як у Беларусі, так і ў эміграцыі ў Беластоку. Тэмпераментнае і душэўнае выступленне мела элементы стэндапу, што зрабіла вечар асабліва цёплым і хатнім.
На канцэрце прысутнічала больш за дваццаць гледачоў — беларусы, украінцы, літоўцы і рускія. Паводле ўдзельнікаў, «музыка мацнейшая за зброю — яна аб’ядноўвае людзей лепш за палітыкаў».
Да Палынскага пазней далучыліся Юры Несцярэнка і літоўскі перкусіяніст, а за якасны гук і настрой удзячнасць атрымаў тэхнічны спецыяліст, музыка Сяргей Kosmas. Завяршылася імпрэза супольным выкананнем легендарнай песні пратэсту «Муры», якая стала сімвалам свабоды і супраціву.
Пасля асноўнай праграмы адбыўся «вольны мікрафон», падчас якога выступіла ўдзельніца з Украіны, выканаўшы прыгожую песню. У зале гучалі словы салідарнасці: «Слава Украіне! Жыве Беларусь!»
Адзін з арганізатараў і ўдзельнікаў аб’яднання былых палітвязняў у Літве — Ілля Міронаў (RE:BELarus) — адзначыў, што такія сустрэчы дапамагаюць умацоўваць беларускую супольнасць і даюць сілы працягваць барацьбу за свабоду.
«Гэта быў вечар шчырасці, музыкі і надзеі. Да новых сустрэч!» — падсумавалі арганізатары.