Інтранізацыя Патрыярха прайшла 29 мая 2026 года ў катэдральным саборы святога Язэпа ў Багдадзе. На ўрачыстасці прысутнічалі каталіцкія іерархі, прадстаўнікі хрысціянскіх канфесій і іншых рэлігій, грамадзянскія ўлады і дыпламаты.
Халдэйская Царква бярэ свой пачатак яшчэ з апостальскіх часоў і непарыўна звязаная з той Зямлёй, па якой хадзіў Ісус. Дзякуючы яе місіянерскай дзейнасці Евангелле распаўсюдзілася да Кітая і Індыі.
Гэтая Царква перажыла пераслед і захавала вернасць Хрысту, у тым ліку і ў сучасны перыяд нестабільнасці на Блізкім Усходзе. Сёння, з-за нестабільнасці ў рэгіёне, значная частка халдэйскіх вернікаў жыве ў дыяспары, дэманструючы выдатную здольнасць адаптавацца да новых умоў, захоўваючы пры гэтым сваю духоўную і культурную спадчыну, сваю гісторыю і традыцыі.