By Belkorpus 
Уладару Божа наш, Крыніца жыцця і несмяротнасці, Творча ўсяго бачнага і нябачнага, Ты маеш у Сваёй уладзе часы і поры, і ў Тваім мудрым і добрым провідзе кіруеш усім: дзякуем Табе за ўсе даброты Твае, якімі Ты абдарыў і задзівіў нас у мінулым часе жыцця нашага. Молім Цябе, усяшчодры Госпадзе, блаславі круг новага году ў дабрыні Тваёй. Зышлі згары даброты Твае людзям Тваім: здароўе, супакой і поспех у кожнай добрай справе. Царкву Тваю святую, краіну нашу Беларусь, нашыя гарады і вёскі і ўсе краіны выбаў ад усякае злое прыгоды, і даруй ім супакой. І зрабі нас дастойнымі заўсёды прыносіць падзяку Табе, спрадвечнаму Айцу, і адзінароднаму Твайму Сыну, і ўсесвятому і жыццядайнаму Твайму Духу – адзінаму Богу, – і славіць Тваё ўсяхвальнае імя.