By Belkorpus 
20 ліпеня – сьвята прарока Ільлі
Прарок Ільля ў хрысьціянстве зьяўляецца самым шанаваным старазапаветным сьвятым. Паходзіў з Цішбэ ў Галаадзе, што на ўсход ад ракі Ярдан і на поўнач ад Мёртвага мора (сёньня на тэрыторыі Ярданіі). Жыў у ІХ стагоддзі перад Хрыстом у часы цара Ізраіля Ахая і ягонай жонкі Ізабэль. Гэты прарок у Сьвятым Пісьме паказаны як чалавек цалкам адданы Богу. Быў бескампрамісным абаронцам адзінабожжа, які абараняў ізраільскі народ ад рэлігійнага сінкрэтызму. Быў таксама мужам веры і малітвы. На гары Харыў быў абдараваны глыбокім перажываньнем прысутнасьці Бога.