МАЛІТВА РАЗАМ З ПАДЛЯШСКІМІ МУЧАНІКАМІ АБ ЕДНАСЬЦІ
Госпадзе, Ісусе Хрысьце, перад сьмерцю Сваёй маліўся Ты, каб вучні Твае былі адно ў любові Тваёй. Малітвамі блаславёнага Вінцэнта Леванюка і ягоных дванаццаці паплечнікаў-мучанікаў просім Цябе, каб усе тыя, што называюцца імем хрысьціянаў, з усіх сілаў імкнуліся перамагчы ўсялякія гістарычныя падзелы і каб яўна зьяднаныя ў вызнаньні адной веры сталіся для ўсяго сьвету выразным знакам Твайго провіду для ўсіх народаў. Амін.