By Belkorpus У гэты дзень, мы, актывісты Альянсу Беларускіх Суполак (АБС) і проста грамадзяне Беларусі, схіляем галовы ў гонар памяці тых, хто сплаціў самы высокі кошт за свае перакананні і каштоўнасці.
86 год таму, у ноч з 29 на 30 кастрычніка 1937 года, таленавітыя і выбітныя беларускія дзеячы культуры і навукі былі забіты палітычнай машынай рэпрэсій. Яны былі расстраляны за сваю працу і мастацтва; за словы і думкі, якія яны лічылі важнымі і правільнымі. Гэтыя жудасныя падзеі нагадваюць нам пра важнасць нашага права на свабоду думкі, перакананняў і на свабоднае выражэнне іх.
Ноч расстраляных паэтаў застанецца ў гісторыі Беларусі як сымбаль вялікай ахвяры, як напамін пра нашыя каштоўнасці, якія мы захавалі і пранеслі да сучаснасці, нягледзячы на рэпрэсіі, якія зноў паўтараюцца амаль пра 100 гадоў.
Сёння шмат беларусаў працягваюць змагацца за нашу агульную свабоду і абарону нашых правоў. Наша місія – захаваць спадчыну і не забываць ахвяр, якія аддалі сваё жыццё, каб Беларусь стала вольнай. Мы працягнем нашу справу – барацьбу за вызваленне ўсіх тых, хто па гэты час знаходзіцца пад прыгнётам рэпрэсій, вяртання ў краіну справядлівасці і ператварэнне яе ў прававую дзяржаву.
Мы верым, што Ноч расстраляных паэтаў застаецца ў нашай памяці як напамін пра тое, што нават у самыя цяжкія і змрочныя часы мы павінны заставацца непахіснымі ў сваіх імкненнях да гуманных каштоўнасцяў. Таму, мы заклікаем усіх неабыякавых людзей далучацца да нашай барацьбы, каб мага хутчэй дасягнуць нашай агульнай мэты. Беларусь будзе вольнай!
Альянс Беларускіх Суполак (АБС)
86 год таму, у ноч з 29 на 30 кастрычніка 1937 года, таленавітыя і выбітныя беларускія дзеячы культуры і навукі былі забіты палітычнай машынай рэпрэсій. Яны былі расстраляны за сваю працу і мастацтва; за словы і думкі, якія яны лічылі важнымі і правільнымі. Гэтыя жудасныя падзеі нагадваюць нам пра важнасць нашага права на свабоду думкі, перакананняў і на свабоднае выражэнне іх.
Ноч расстраляных паэтаў застанецца ў гісторыі Беларусі як сымбаль вялікай ахвяры, як напамін пра нашыя каштоўнасці, якія мы захавалі і пранеслі да сучаснасці, нягледзячы на рэпрэсіі, якія зноў паўтараюцца амаль пра 100 гадоў.
Сёння шмат беларусаў працягваюць змагацца за нашу агульную свабоду і абарону нашых правоў. Наша місія – захаваць спадчыну і не забываць ахвяр, якія аддалі сваё жыццё, каб Беларусь стала вольнай. Мы працягнем нашу справу – барацьбу за вызваленне ўсіх тых, хто па гэты час знаходзіцца пад прыгнётам рэпрэсій, вяртання ў краіну справядлівасці і ператварэнне яе ў прававую дзяржаву.
Мы верым, што Ноч расстраляных паэтаў застаецца ў нашай памяці як напамін пра тое, што нават у самыя цяжкія і змрочныя часы мы павінны заставацца непахіснымі ў сваіх імкненнях да гуманных каштоўнасцяў. Таму, мы заклікаем усіх неабыякавых людзей далучацца да нашай барацьбы, каб мага хутчэй дасягнуць нашай агульнай мэты. Беларусь будзе вольнай!
Альянс Беларускіх Суполак (АБС)