By Belkorpus Частка 8.1 Аповед Ваўкалака
Пасля вяртання на базу і разгрузцы нашага пікапа, мы дамовіліся, як звычайна, гадзіну пазаймацца сваімі справамі (павячэраць, адпісацца сваім, што жывыя, проста адпачыць), а потым сустрэцца ў той частцы склепу, дзе стаяў наш сапог – пасля кожнай працы мя яго абавязкова чысьцілі.
Па правілах за чыстку быў адказны наводчык разліку, але рабілі мы яе ўсе разам.
Падчас чысткі сапага міма нас прайшоў Ваўкалак. Мы літаральна накінуліся на яго з пытаннямі па акалічнасьцях штурму і удакладненнямі па нашай працы, якой мы былі моцна незадаволены.
І якое было наша здзіўленне, калі Ваўкалак сказаў, што нашы снарады два разы разарваліся каля будынка з рускімі: першы раз – у 3 метрах перад ім, другі раз – у 5 метрах перад ім.
Як?! Па рацыі мы не чулі такіх карэктыровак. Але ўсе-роўна мы былі прыемна здзіўлены таму, што не ўсе так дрэнна было з нашай стральбой, як мы лічылі дагэтуль па карэктыроўкам К(ажана).
– Я сам по рации передавал про 3 метра недолет, – запэўніў нас Ваўкалак.
Мабыць, не прайшло, бо ніхто з нас гэтага не чуў.
Словы Ваўкалака трохі палепшылі наш настрой. Далей Ваўкалак распавеў пра тое што адбывалася пасля безпаспяховай спробы штурма расейскіх пазіцый нашымі хлопцамі.