Аб’яднаны пераходны кабінет запусціў перапіс беларускіх культурніцкіх ініцыятываў.

“Падзяліцеся з намі сваімі любімымі ініцыятывамі, за якімі сочыце, якія вас натхняюць ці якія вы ствараеце. А мы іх каталагізуем і зробім так, каб пра іх даведвалася болей людзей”, — прапануе прадстаўніца кабінета па нацыянальным адраджэнні Аліна Коўшык.

Яна патлумачыла, што гаворка ідзе пра “ўсё, што можа быць карысным і цікавым — суполкі, сайты, тэлеграм, ТыкТок, Ютуб, месцы, школы. Культура, мова, гісторыя, памяць, літаратура, кіно, мастацтва, адукацыя фармальная і нефармальная. Усе, што яднае нас і дапамагае заставацца беларусамі”.