Беларускі народ супраць таго, каб беларуская армія пайшла вайной супраць Украіны. Гэта тая пазіцыя, на якой сышліся людзі розных поглядаў: тыя, хто супраць ці за дыктатуру, тыя, хто сімпатызуюць Украіне, і нават тыя, хто чамусьці падтрымліваюць Расію. Лічаныя адзінкі хочуць бачыць беларускае войска ў баявых дзеяннях ва Украіне на баку Расіі. Але што рабіць, калі дыктатура зноўку праігнаруе запыт народа і зробіць па-свойму?

Як можна пазбегнуць таго, што зараз адбываецца ў Беларусі і вельмі падобнае да мабілізацыі?

Падрабязную інструкцыю ўжо зрабіў Аб’яднаны Пераходны Кабінет Беларусі, вось галоўнае:

1⃣ Калі вам можа прыйсці позва, не адчыняйце дзверы, не атрымлівайце пошту, не адказвайце на тэлефанаванні і паведамленні з невядомых нумароў.
2⃣ Па магчымасці не жывіце па прапісцы.

Нез’яўленне без паважных прычынаў на мерапрыемствы па прызыве ў армію на тэрміновую службу — гэта адміністратыўнае пакаранне штрафам да 5 базавых велічыняў. Даказанае сістэматычнае ўхіленне ад прызыву — гэта штраф або арышт, або зняволенне да 2 гадоў. Ухіленне асобаў з воінскай спецыяльнасцю ад прызыву па мабілізацыйным прадпісанні пагражае зняволеннем на тэрмін ад 2 да 7 гадоў.

Калі ў вас ёсць сябры ды знаёмыя, якіх можа чакаць позва ў армію, распавядзіце ім пра спосабы пазбегнуць прызыву.

@honestpeople_by
#мычестныелюди #мысумленныялюдзі #строимгражданскоеобщество