Як уладкаваць тую Беларусь, у якой вы б хацелі жыць? Даведайцеся праз вольны адукацыйны курсШто так…

Як уладкаваць тую Беларусь, у якой вы б хацелі жыць? Даведайцеся праз вольны адукацыйны курс

Што такое парламенцкая ці прэзідэнцкая рэспубліка? У чым іх плюсы і мінусы? Чым адрозніваецца прапарцыйная сістэма ад мажарытарнай? Грамадска-адукацыйны праект «Справа выбару» стварыў адмысловы курс, з якога вы даведаецеся пра базавыя прынцыпы дэмакратыі на падставе тэорыі і прыкладаў з рэальнага жыцця.

«Курс распрацаваны з мэтай проста распавесці пра сур’ёзныя канцэпцыі. Толькі веды дазволяць нам пазбегнуць папулізму і пабудаваць устойлівую дэмакратыю», — кажа адзін з яго стваральнікаў, спецыяльны дарадца Святланы Ціханоўскай па выбарах Аляксандр Шлык.

Курс падзелены на 5 модуляў:
1. Дэмакратыя
2. Выбары
3. Узроўні і тыпы выбараў
4. Выбарчыя сістэмы
5. Выбары як працэс

Кожны модуль складаецца з відэа-лекцыі, інтэрв’ю з цікавым суразмоўцам (ёсць там і лідарка *Сумленных людей Лена Жываглод), кейс-стадзі і кароткага квізу, каб праверыць сябе. Па выніках курса вы здолееце прайсці тэст і нават атрымаць бяспечны і ананімны сертыфікат.

Наўпрост заходзьце на сайт https://vybar.org — ды здабывайце веды! Рэгістрацыя непатрэбная.

@honestpeople_by
#мычестныелюди #строимгражданскоеобщество