Падары дзеткам палітвязняў свята — далучыся да кампаніі «Калядны сябр»
Напярэдадні калядных святаў ініцыятыва INeedHelpBy запусціла святочную кампанію «Калядны сябр» па падтрымцы дзяцей з сямей, пацярпелых ад палітычных рэпрэсій. Дзякуючы ёй, тыя дзеткі, чые сваякі знаходзяцца за кратамі, могуць атрымаць падарункі ад «Каляднага сябра», якім можа стаць любы неабыякавы чалавек.
Напярэдадні калядных святаў ініцыятыва INeedHelpBy запусціла святочную кампанію «Калядны сябр» па падтрымцы дзяцей з сямей, пацярпелых ад палітычных рэпрэсій. Дзякуючы ёй, тыя дзеткі, чые сваякі знаходзяцца за кратамі, могуць атрымаць падарункі ад «Каляднага сябра», якім можа стаць любы неабыякавы чалавек.
Ініцыятыва прапаноўвае родным і сваякам звярнуцца да іх праз тэлеграм-бот і запоўніць неабходную анкету. Таксама ініцыятыва можа дапамагчы з прадуктамі.
Як замовіць віншаванні і падарунак для дзіцяці?
Адразу неабходна зарэгістравацца ў тэлеграм-боце @INeedHelpBY_bot (для тых, хто раней не звяртаўся ў ініцыятыву для дапамогі);
Потым скарыстацца камандай /newyear;
Далей трэба запоўніць анкету з апісаннем сітуацыі, у якой апынулася сям’я і распавесці пра інтарэсы і захапленні дзіцяці.
Акрамя гэтага, да анкеты можна далучыць віншавальны ліст ці паштоўку «Каляднаму сябру».
Стаць «Калядным сябрам» і віншаваць дзетак са святамі таксама вельмі проста. Для гэтага неабходна скарыстацца тэлеграм-ботам і запоўніць адпаведную анкету.