Галерэя Ван Гога рэгулярна запрашае мастакоў на выставы і спецыяльныя праекты. Зараз Van Gogh AiR запрашае мастакоў прыехаць і папрацаваць на радзіме Ван Гога гарадку Зундэрт, каб натхніцца творчасцю знакамітага мастака і вёскай, у якой ён вырас.
Ёсць дзве гасцявыя студыі – і для кожнай свая працягласць рэзідэнтуры: Дом Сэкстана, побач з царквой Ван Гога, – на 1 месяц. Майстэрня для працы знаходзіцца па суседстве.
Фламандскі ангар у маёнтку Дэ Морэн – на 2 месяцы. Будынак акружаны прыродай, лясамі і верасам, дакладна апісанымі Вінцэнтам у яго лістах. Гэты маёнтак таксама з’яўляецца часткай будучага нацыянальнага парку Ван Гога.
Прадастаўляецца: – мастацкі ганарар; – падтрымка ў публікацыі сваіх работ.
У абмен творцаў просяць бясплатна перадаць адзін са сваіх твораў #мастацтва ў калекцыю Дома Вінцэнта Ван Гога.