КінаКружок з рэжысёрам Андрэем Палупанавым у #Варшава | #Польшча Калі вы стаміліся ад манітораў і х…

17.02.2026sekktor | магчымасці для культурных і творчых людзей Беларусі

КінаКружок з рэжысёрам Андрэем Палупанавым у #Варшава | #Польшча

Калі вы стаміліся ад манітораў і хочаце жывой, калектыўнай творчасці без ціску і ацэнак, то вось эксклюзіўны план на люты і вясну.

→ Кінарэжысёр і адукатар у кіно Андрэй Палупанаў запрашае на творчую лабараторыю ўсіх, хто любіць кіно і хоча разабрацца, як яно працуе знутры. За адзін вечар у крэатыўнай групе вы зможаце разабраць выразны прыём з вялікага кіно (Таранціна, Андэрсан, Хічкок і інш.) і адразу спрабуеце паўтарыць яго, здымаючы на камеру тэлефона.

◉ Калі: па чацвяргах, 19:00-21:00.
◉ Дзе: «Прастора», ul. Hoża 41/2, Варшава.
◉ Кошт: 70 PLN за 1 занятак / 250 PLN за 4.

Фармат сустрэч:
• 45 хв. — прагляд і аналіз прыёму на прыкладах культавых фільмаў (Хічкок, Таранціна, Нолан і інш.)
• 45 хв. — практыка ў міні-групах: здымка кароткіх эцюдаў на смартфоны
• 30 хв. — прагляд і абмеркаванне без «добра/дрэнна», толькі падтрымка і абмен досведам.

Расклад:

ЛЮТЫ

19 лютага — Здымка адным кадрам (Long Take)
Мастацтва ўнутрыкадравага мантажу. Як правесці гледача праз лакацыю без адзінай склейкі.

26 лютага — Святло і цень. Нямецкі экспрэсіянізм і нуар
Псіхалогія ценю: як стварыць таямніцу і драму з дапамогай аднаго ліхтарыка.

САКАВІК

5 сакавіка — Псіхалогія ракурсу (Camera Angles & Perspective)
Як вугал здымкі ператварае героя ў нікчэмнага няўдачніка або небяспечнага дыктатара без адзінага слова.

12 сакавіка — Шлях героя (The Hero’s Journey)
Асвойваем структуру Pixar і «Зорных войнаў», каб укладваць эпічныя сюжэты ў фармат кароткіх відэа.

19 сакавіка — Асяроддзе як апавядальнік (Environmental Storytelling)
Вучымся ў Фінчэра і «Шэрлака»: як беспарадак або стэрыльнасць у пакоі раскрываюць характар героя лепш за любыя дыялогі.

26 сакавіка — Мінімалізм і дыялог (Deadman Style)
Разбіраем стыль Джыма Джармуша: як стварыць атмасферу і гумар, калі два чалавекі проста п’юць каву і маўчаць.

КРАСАВІК

2 красавіка — Архітэктура позірку (Leading Lines & Symmetry)
Станавімся «пастухамі ўвагі» гледача, выкарыстоўваючы накіроўныя лініі Кубрыка і казачную сіметрыю Уэса Андэрсана.

9 красавіка — Рэжысура не-актораў (Directing Non-Actors)
Тэхнікі працы з людзьмі ў кадры: замяняем наігрыш канкрэтным фізічным дзеяннем і здымаем страх перад камерай.

16 красавіка — Мастацтва падтэксту (Subtext)
Вучымся здымаць сцэны, дзе героі гавораць пра надвор’е, а глядач адчувае смяротную пагрозу, як у Таранціна.

23 красавіка — Вонг Карвай: адзінота і шкло (Dirty Frame & Reflection)
Ствараем магію ганконгскага кіно, здымаючы праз адлюстраванні, акварыумы і каляровае святло — для эфекту падглядвання.

30 красавіка — Касцюм і трансфармацыя (Costume Design & Character Arc)
Адзенне як драматургія: паказваем унутраную эвалюцыю героя праз змену стылю, колеру і дэталяў — без словаў.

ТРАВЕНЬ

7 траўня — Візуальная камедыя (Visual Comedy & Timing)
Разбіраем прыёмы Эдгара Райта: як рэзкі мантаж і гук ператвараюць заварванне гарбаты ў эпічны экшн.

14 траўня — Драматургія рэчаў (Chekhov’s Gun & MacGuffin)
Як зрабіць звычайны чамадан або флэшку самым жаданым аб’ектам ва ўсім фільме.

21 траўня — Псіхалогія пустэчы і мастацтва «Ма» (Negative Space & Ma)
Парушаем правілы кампазіцыі і спасцігаем японскую філасофію «Ма», выкарыстоўваючы пустату ў кадры для стварэння напружання і значнай цішыні.

28 траўня — Анатомія страху (Suspense vs Surprise)
Вывучаем метад Хічкока: розніца паміж раптоўным спалохам і пакутлівым чаканнем непазбежнага.