Дарагія сябры, у чацвер, 12 лістапада, запрашаем у нашу беларускую царкву ў Вільні на супольную мал…

Дарагія сябры, у чацвер, 12 лістапада, запрашаем у нашу беларускую царкву ў Вільні на супольную малітву

У 18:00 — Боская Літургія і паніхіда па Раману Бандарэнку, забітаму 12 лістапада 2020 года. Памолімся таксама за ўсіх, хто загінуў падчас мірных пратэстаў, і за людзей, закатаваных у беларускіх турмах. Вечная ім памяць.

У гэты дзень адзначым і 20-годдзе святарскага рукапалажэння нашага настаяцеля, айца Георгія.

Напярэдадні дня памяці свяціцеля Яна Залатавуста ўзгадаем яго жыццё.

Ён нарадзіўся ў Антыёхіі і праславіўся як палымяны прапаведнік і тлумач Святога Пісання. Пазней узначаліў нашу матчыную Канстанцінопальскую царкву. Ян Залатавуст адстойваў бедных і адкрыта выступаў супраць несправядлівасці, злоўжыванняў і раскошы пры імператарскім двары. За сваю прынцыповасць ён быў падвергнуты рэпрэсіям: адхілены ад кафедры і адпраўлены ў выгнанне. Свяціцель памёр у дарозе ў Команах у 407 годзе. Яго жыццё засталося прыкладам мужнасці і вернасці праўдзе нават перед тварам імператарскай улады.

Чакаем вас у нашай віленскай капліцы Лявонція Карповіча па адрасе Bokšto g. 4.

Запрашаем усіх далучыцца да малітвы за Рамана і іншых беларусаў, якія загінулі ад гвалту і рэпрэсій.