Браты і сёстры! Сёння сумеснымі намаганнямі знайшлі яшчэ адну магілу выбітнага праваслаўнага белару…

Браты і сёстры!

Сёння сумеснымі намаганнямі знайшлі яшчэ адну магілу выбітнага праваслаўнага беларуса на Свята-Ефрасіннеўскіх могілках Вільні.

УСЕВАЛАД БІЛЬДЗЮКЕВІЧ

Більдзюкевіч Усевалад (1879 — 1962; раней у крыніцах дата смерці пазначалася недакладна — «пасля 1940») — праваслаўны святар і грамадскі дзеяч, удзельнік беларускага хрысціянскага руху ХХ стагоддзя, рэдактар, журналіст і публіцыст.

Нарадзіўся 9 сакавіка 1879 года ў Менску. Паходзіў з сям’і праваслаўных беларусаў: бацькі — Віктар і Аляксандра (з дому Башынскіх) Більдзюкевічы. Да Першай сусветнай вайны працаваў чыноўнікам на чыгунцы.

З 1918 года ўваходзіў у склад урада Беларускай Народнай Рэспублікі.

Са студзеня 1919 года жыў у Вільні. Разам з Тодарам Вернікоўскім і айцом Аляксандрам Каўшом (пахаваныя таксама на Свята-Ефрасіннеўскіх могілках) у студзені 1930 года на канферэнцыі прадстаўнікоў беларускіх праваслаўных арганізацый удзельнічаў у стварэнні Беларускага праваслаўнага камітэта па беларусізацыі царквы.

Рэдагаваў часопіс «Сьветач Беларусі» (1931). Прымаў актыўны ўдзел у заходнебеларускім нацыянальна-рэлігійным жыцці. Выступаў на старонках беларускіх свецкіх і рэлігійных перыядычных выданняў, публікуючы матэрыялы пра становішча праваслаўнай царквы ў Польшчы і праблемы беларусізацыі рэлігійнага жыцця («Сьветач Беларусі», «Biełaruskaja Krynica» і інш.).

Публікацыі падпісваў як уласным прозвішчам, так і псеўданімамі («Тутэйшы», «Местный»). Падтрымліваў сяброўскія адносіны з архімандрытам Філіпам і з беларускай групоўкай Антона Луцкевіча.

Прыхільнік ідэі аўтакефаліі Беларускай праваслаўнай царквы.

Калі вы хочаце падтрымаць нашу краязнаўчую дзейнасць, будзем удзячныя за невялікае і добраахвотнае ахвяраванне.

Яно не з’яўляецца абавязковым, але дазволіць нам і далей займацца гэтай справай — даглядаць і апекавацца магіламі праваслаўных беларусаў і беларусак, што знайшлі свой спачын у Вільні.

Рэквізіты для ахвяраванняў наступныя:

IBAN:
LT667300010191071990

VILNIAUS

Атрымальнік:
APREIŠKIMO ŠVČ. DIEVO GIMDYTOJAI KRIKŠČIONIŲ ORTODOKSŲ PARAPIJA

„Swedbank”, AB SWIFT код HABALT22

Пазначайце ў апісанні: Аuka

Іншыя варыянты ахвяраванняў:

Patreon (для бяспечных данатаў з Беларусі),
BYSOL (толькі для ахвяраванняў з-за мяжы),
PayPal (толькі для ахвяраванняў з-за мяжы).