У Чарнобыльскую зону ва Украіне ўвайшлі расійскія войскі з тэрыторыі Беларусі. Пра гэта паведамляе намеснік міністра ўнутраных спраў Украіны Антон Герашчанка.
Па яго словах, нацгвардыя, якая ахоўвае сховішча небяспечных радыеактыўных адходаў, аказвае супраціўленне.
— Калі ў выніку артылерыйскіх удараў акупантаў сховішча ядзерных адходаў будзе знішчана, радыеактыўны пыл можа пакрыць тэрыторыі Украіны, Беларусі і краін ЕС, — звяртае ўвагу Герашчанка.