By Belkorpus З ліста ад 20.03.2022 г.:
“Што тычыцца чутак пра “рэзервы” з “Хезбалы” і ІГІЛ. “Хезбала” – ваенна-палітычнае арганізацыя ліванскіх шыітаў (лідар – шэйх Насралла). Яе баевікі разам з іранскімі войскамі ўдзельнічалі ў вайне ў Сірыі на баку Башара Асада супраць атрадаў сунітскай большасці. Але ва Украіну яны не палезуць – Іран не падтрымае. Ды й далёка ад Лівана, дзе ёсць канкурыруючыя ваенна-палітычныя арганізацыі сунітаў і хрысціян. А ІГІЛ аб’яўлена тэрарыстычнай арганізацыяй як на Захадзе, так і ў РФ. Зрэшты, ёсць чачэнцы. […]
Калі расійцы сцішылі наступальныя дзеянні, то 6эта можа сведчыць, што палітычныя, санкцыйныя і чалавечыя страты Масквы падыходзяць да межаў прымальнасці. […]
“Ужо відавочна, што ва ўмовах перавагі Расіі ў наступальных узбраеннях і дамінавання яе авіяцыі ў паветры ды стэпавага адкрытага характару мясцовасці большай часткі тэрыторыі Украіны, украінскія войскі рэалізуюць стратэгію апорных пунктаў абароны ў населеных пунктах. Каб байцы маглі хавацца за сценамі дамоў ад авіяразведкі і выкарыстоўваць іх замест брані. Тым болей, што абвадных дарог нават вакол буйных населеных пунктаў там мала, амаль усе дамы нават у вёсках – мураваныя.
Але такая стратэгія – відавочна, змушаная, бо яна вядзе да стратаў сярод мірнага насельніцтва, калі яно не эвакуяванае. Альбо, калі эвакуацыя адбылася – да “каўровай бамбардзіроўкі” населенага пункта. Дарэчы, калі з’явіцца лісце, і лесапалосы і пасадкі ўздоўж дарог перастануць праглядаецца, украінцам будзе лягчэй маскіравацца ад авіяцыі. Калі да таго часу вайна не скончыцца, безумоўна.
Мікола Статкевіч
З ліста ад 20.03.2022 г.