Больш за 800 еўра ўжо сабралі члены віленскай суполкі партыі «Народная Грамада» на аўтобус для беларускіх добраахвотнікаў з 1514-й брыгады ва Украіне.
Гэта стала магчымым дзякуючы як асабістым ахвяраванням, так і крэатыўным ініцыятывам суполкі. Падчас святкавання дня народзінаў арганізацыі «Дапамога» быў арганізаваны дабрачынны кірмаш: удзельнікі суполкі прыгатавалі ўласнаручна стравы беларускай кухні, а атрыманыя грошы накіравалі на падтрымку ваяроў. Такім чынам салідарнасць ператварылася ў канкрэтныя справы.
Гэта добры прыклад каманднай працы, калі кожны можа ўнесці сваю частку ў агульную справу і падтрымаць тых, хто сёння абараняе Украіну і змагаецца за свабоду Беларусі.
Мы верым, што гэта толькі пачатак, і разам зможам сабраць яшчэ больш. Бо калі побач сябры і аднадумцы, няма нічога немагчымага.
Жыве Беларусь!
Слава Украіне!